Guardiola te Juventusi? Manchester City reagon për herë të parë

Manchester City ka mohuar zërat që vijnë nga Italia se Pep Guardiola është në bisedime me Juventusin për një transferim gjatë këtij sezoni. Sipas tabloidit “The Sun”, klubi anglez i konsideron “qesharake” këto spekulime për të ardhmen e teknikut spanjoll.

Gjithmonë bazuar nga lajmet që vijnë nga “Etihad Stadium”, kampionët e Premier League janë të qetë për të ardhmen e Guardiolës te Manchester City.

Në javët e fundit, Guardiola ka mohuar kategorikisht një kalim te Juventusi, duke përsëritur dëshirën për të qëndruar në Angli. Tani vijnë konfirmime të tjera, edhe pse në media kanë qarkulluar lajme se spanjolli do të firmosë më 4 qershor me ekipin bardhezi. /R.Lika-Koha Jone/