Gunes: Shqipërinë e njohim mirë, duam t’i mundim të gjithë

Trajneri i kombëtares së Turqisë, Senol Gunes goli në konferencë për shtyp para duelit ndaj Shqipërisë që do të luhet në Shkodër. Strategu i cili është ende pa kontratë, beson se lojtarët e tij mund të marrin një rezultat pozitive ndaj kombëtares sonë me futbollistë me eksperiencë.

“Në rast se duam që të kalojmë grupin, duhet të fitojmë ndaj Shqipërisë. E njohim Shqipërinë dhe ekipin e tyre, kanë futbollistë me eksperiencë dhe janë një skuadër e mirë. Kemi humbur ndaj tyre në fushën tonë dhe kemi punuar për të korrigjuar disa gjëra. Kanë futbollistë me kualitet, por e rëndësishme është që të tregojmë veten tonë në fushë.

Kombëtarja është një vlerë thelbësore për ne. Do të luajmë ndeshje serioze në këtë kompeticion, pasi është një event që zhvillohet çdo 4 vite. Shanset shuhen, kur nuk bëhesh pjesë. Kemi Francën dhe rivalë të tjerë, të cilët duam t’i mundim. Nuk do të jetë e thjeshtë nesër. Duam që të shkojmë në Europian, ndaj nuk duam që të shohim situatën e kundërshtarëve”, deklaroi trajneri i Turqisë për mediat. /R.Lika-Koha Jone/