Hajdutët i vjedhin 600 mijë euro yllit të PSG në kohën kur po luante ndaj Liverpool-it

PSG luajti mbrëmë super ndeshjen ndaj Liverpoolit, teksa në stolin e francezëve ishte edhe Eric-Maxim Choupo-Moting, i cili hyri në fushë në pjesën e dytë. Mediat franceze kanë zbuluar se atij i është vjedhur një shumë e madhe parash.

Banesa e Choupo-Moting është vjedhur mbrëmjen e së mërkurës. Atij i janë vjedhur sende me vlerë 600,000 euro. Media franceze pretendon se i janë vjedhur bizhuteri me vlerë 400,000 euro dhe gjithashtu mungojnë sende të tjera me vlerë 200,000 euro.

Hajdutët thuhet të jenë futur nga dritarja e lojtarit, në një pronë e cila është e mbushur me dhurata në prag të festave të fundvitit.