Hazard drejt shitjes te Reali, ja kur do të ndodhë transferimi

Chelsea është duke u përgatitur për të shitur Eden Hazard te Real Madridi gjatë kësaj vere, pavarësisht se janë të dënuar në merkato. E përditshmja angleze, “Daily Mail”, shkruan se shumë që do të përfitojnë blutë e Londrës është 100 milionë euro, pra shumë më pak sesa vlerësohej në të vërtetë 28-vjeçari.

Chelsea është i detyruar të rregullojë bilancin për shkak të Fair Play-t financiar dhe një mundësi e mirë është arkëtimi i një shumë të konsiderueshme nga shitja e Hazard, të cilin, më vonë, rrezikonte ta humbte me parametër zero.

Zyrtarizimi i blerjes së mesfushorit belg nga Reali i Madridit do të ndodhë sapo të përfundojë finalja e Europa League-s mes Chelsea-t dhe Arsenalit, sfidë që do të luhet më 29 maj, në Baku të Azerbajxhanit.