Hazard: Transferimi te Realit? E vendos pas muajit janar …

Eden Hazard në të ardhmen mund ta shohim te Real Madrid. Sulmuesi belg në verë shprehu dëshirën për të mos u larguar nga Chelsea në merkaton e janarit, por e ka lënë të hapur mundësinë e largimit në verë në “Bernabeu”, nëse nuk rinovon me “Blutë” e Londrës. Hazard nuk e ka fshehur ëndrrën për të luajtur me fanellën e bardhë të Realit.

Gjatë një interviste për Canal + France, belgu ka folur për një transferim të mundshëm dhe për rinovimin e kontratës, diçka që nuk po vjen. “Prej janarit, unë do të kem edhe një vit nga kontrata ime. Por nëse nuk rinovoi, me shumë mundësi do transferohem. Vera e ardhshme do të vendosë gjithçka, por nuk e përjashtoj mundësinë që ta mbyll karrierën te Chelsea”.

Eden Hazard e ka përjashtuar mundësinë për tu transferuar në merkaton e dimrit: “Unë nuk e braktis Chelsean në janar, nuk do ta bëja këtë për tifozët dhe për klubin ”.