Helikopteri futet në fushë për një tifoz të sëmurë, anulohet ndeshja (VIDEO)

Një tifoz në gjendje të rëndë bën që të shtyhet ndeshja e divizionit të tretë në Angli Burnsley- Burton, që duhej të niste në orën 16:00. Në një kohë kur gjyqtari dhe skuadrat kishin dalë nga tuneli dhe po bëheshin gati të niste loja, një fans i skuadrës vendëse, që ndodhej pas portës është ndier keq dhe ka mbetur për shumë minuta në tokë pa ndjenja.

Në momentin kur është kuptuar se gjendja ishte serioze, u vendos që të mos niste ndeshje, për të bërë të mundur uljen e një helikopteri për të transportuar me urgjencë të sëmurin në spital. Zyrtarët e ndeshjes ishin të mendimit që nuk mund të krijoheshin kushtet e nevojshme që ndeshja të luhej, ndaj u tërhoqën përfundimisht në dhomat e zhveshjes. Nuk dihet nëse tifozi arriti t’i mbijetonte problemit shëndetësor.