Higuain: Ibrahimovic lojtar i madh, por kemi Cutrone-n

Gonzalo Higuain do të rikthehet në fushë për të ndihmuar Milanin në Europa League. Sulmuesi ishte i pranishëm në konferencën për shtyp para ndeshjes ndaj Dudelange.

“Kam shumë dëshirë të kthehem. Deri sa të kem dëshirë të praktikoj këtë sport dua të ndihmoj ekipin. Shpresoj të kontribuoj dhe të kem mësuar nga gabimi me Juven. Shpresoj të kthehem të shënoj dhe ndihmoj shokët. Jemi stërvitur mirë

Me Gattusson kam një raport i shkëlqyer, jemi të ngjashëm në karakter. Kemi një muaj të rëndësishëm përpara pushimit të Krishtlindjeve, duam të qëndrojmë në zonën Champions. E ardhmja? Trajneri tha se nuk dua të largohem: më qartë se sa kaq… nuk ndihem një yll, dua të ndihmoj ekipin. Ibra? Lojtar i madh, ashtu si Cutrone, që ka një të ardhme të ndritur. Po, për merkaton flet Leonardo”, deklaroi Higuain.