Humbi me Partizanin e Beogradit, por UEFA zgjedh me të mirin e ndeshjes futbollistin e Skënderbeut

Humbja mbetet humbje por duhet theksuar se disfata e Skënderbeut mbrëmë ndaj Partizanit të Beogradit erdhi si pasojë e episodeve dhe jo si rezultat i zhvillimit të lojës gjatë 90-të minutave. Ndoshta nga kjo është ndikuar edhe UEFA në përzgjedhjen e lojtarit më të mirë të ndeshjes së luajtur në Beograd.

Bëhet fjalë për mesfushorin kroat Marko Radas. Pavarësisht së në rasti i golit të parë të shënuar nga Tosiç mund të kishte bërë më mirë, 34-vjeçari ishte një nga më të dalluarit te ekipi i Skënderbeut.

Radas është futbollisti i 3 nga skuadra korçare që zgjidhet më i miri i ndeshjes pasi më parë Mici dhe Jashanica kishin patur këtë fat në dy takime të tjera në “Europa League”.