Humbi të atin, Duka mesazh ngushëllimi për Valdet Ramën

Lajm i hidhur për ish-futbollistin e kombëtares shqiptare, Valdet Rama. Në një mesazh ngushëllimi të Presidentit të FSHF-së, Armand Duka, është mësuar se ai ka humbur babain e tij.

Me këtë rast, të ndarjes nga jeta të njeriut të shtrenjtë, kreu i futbollit shqiptar i ka dërguar ngushëllimet më sinqerta ish-lojtarit kuqezi:

“Mësova me hidhërim të thellë lajmin e ndarjes nga jeta të babait të ish-futbollistit të kombëtares shqiptare, Valdet Rama. Në këtë moment të vështirë për Valdetin dhe familjen e tij dëshiroj t’iu përcjell në emrin tim, por edhe të Federatës Shqiptare të Futbollit dhe kombëtares shqiptare, ngushëllimet më të sinqerta për humbjen e njeriut të tyre më të dashur. U prehtë në paqe!”