Hummels mendon largimin nga Bayerni, ekipi italian gati të përfitojë

Mats Hummels po mendon të largohet nga Bayern Munich. Sipas shtypit gjerman, 29-vjeçarit duket se nuk i pëlqen rotacioni i kryer nga trajneri Niko Kovac pas çdo takimi. Hummels iu ribashkua Bayernit në vitin 2016, nga Borussia Dortmund, ku ishte transferuar në vitin 2008 pikërisht nga bavarezët, fillimisht në formë huazimi.

Kontrata e tij me kampionët e Gjermanisë përfundon në vitin 2021, ndërkohë që për mbrojtësin ka shfaqur interes së fundmi edhe Juventusi, që kërkon një mbrojtës për sezonin e ardhshëm, pasi Barzagli do të mbyllë karrierën.