Hyri i armatosur në fushën e lojës, shpallet në kërkim presidenti i PAOK

Presidenti i klubit grek të PAOK-ut, Ivan Savvidis, është shpallur në kërkim nga policia pas incidentit në ndeshjen e luajtur dje kundër AEK. 58-vjeçari i inatosur për anulimin e një goli hyri në fushë me armë duke kërcënuar gjyqtarin e takimit.

Sipas mediave greke rusi është në kërkim jo për armën pasi atë e kishte me leje, por për faktit që hyri i armatosur në fushë dhe kërcënoi gjyqtarin.

Miku i ngushtë i Putin (Savvidis) u kërkoi lojtarëve të linin ndeshjen dhe të futeshin në dhomat e zhveshjes duke sjellë ndërprerjen e takimit në minutat e fundit.