Hysaj fiton me “poker” ndaj Ismajlit, sfidon Gjimshitin në gjysmëfinalen e Kupës (VIDEO)

Napoli nuk gabon në Kupën e Italisë duke siguruar një vend për në gjysmëfinale kundër Atalanta, pasi mbrëmjen e sotme fitoi me lehtësi 4-2 ndaj Spezias.

Skuadra e Gattusos gjeti golin që në të 5-tën me Koulibaly, i shërbyer nga Elseid Hysaj, ndërsa 15 minuta më vonë realizoi Lozano. Napoli nuk u mjaftua me epërsinë e dyfishtë, por shënoi edhe dy herë të tjerë me Politanon dhe Elmas.

Në pjesën e dytë Napoli i uli ritmin, duke pësuar dy gola nga Gyasin dhe Acamporan. Një derbi shqiptarësh Hysaj-Ismajli, të dy në fushë në këtë ndeshje, por në fund ai që buzëqesh është shkodrani.

Në gjysmëfinale skuadra e Gattusos do të përballet me Atalantën, që do të thotë se do të kemi një tjetër derbi kuqezinjsh mes Hysajt dhe Berat Gjimshitit.