Hysaj: Nëse do të vinte dikush, Napoli do të bëhej më keq

Napoli po vazhdon rrugëtimin perfekt në kampionat, duke mbajtur ritmin e Juventusit, dhe duke i mbajtur 1 pikë pas tyre në renditje. Vendimit të klubit për të mos bërë asnjë ndërhyrje në merkaton e mbyllur para pak ditësh e ka mbrojtur edhe mbrojtësi i kombëtares kuqezi, Elseid Hysaj, i cili është përgjigjur me një batutë kur është pyetur për këtë çështje. “Ndoshta nëse do të vinte dikush do të bëhej më keq, këtë nuk e dimë, por ne jemi mirë kështu”, deklaroi Hysaj.

Të dielën mbrojtësi shqiptar doli triumfues në derbin kuqezi kundër dyshes Gjimshiti-Memushaj. Benevento, me Gjimshitin titullar dhe Memushajn në stol. Me këtë fitore, Napoli vijon të ruaj kreun e renditjes me 60 pikë pas 23 javësh, një më shumë se Juventus.