Icardi “përçan” San Siron, vërshëllima dhe duartrokitje për argjentinasin

Ashtu si para dy javëve ndaj Atalantës, edhe mbrëmjen e djeshme, Mauro Icardi ndau në dy pjesë publikun zikaltër në “San Siro”, ultrasët që e vërshëllejnë dhe pjesën tjetër të tifozërisë, që e mbështesin.

Në minutën e 21-të të takimit mes zikaltërve dhe Romës, tifo-grupi “Curva Nord” vërshëlleu Icardin, që ishte ulur në pankinë, ndërsa reagimi i grupit tjetër të tifozëve, ishte i menjëhershëm, duke marrë në mbrojtje ish kapitenin kundër ultrasve.

E njëjta skenë ndodhi edhe në fillim të pjesës së dytë, kur Spalletti vendosi të hedhë në fushë argjentinasin, ndërsa tifo-grupi “Curva Nord” nuk e pranoi kontestimin dhe reagoi duke thirrur “Jeni një publik m…”.