Ikardi stërvitet veçmas, rrezikon që të mos luajë ndaj Bolonjës

Nuk ka aspak lajme të mira nga qendra stërvitore e Interit. Mauro Ikardi është stërvitur veçmas nga pjesa tjetër e ekipit, dhe rrezikon që të mos luajë as në ndeshjen ndaj Bolonjës.

E sigurt është që edhe nëse ai luan nuk do të jetë në gjendjen e tij më të mirë. Ikardi nuk ishte edhe të shtunën e kaluar në ndeshjen ndaj Krotones, për shkak të disa problemeve që ka në kofshën e djathtë. Stërvitja e fundit do të jetë vendimtare për të kuptuar, nëse ai do të luajë, apo do të hidhet sërish në fushë Eder në vendin e tij. /Koha Jonë/