Interi nis tratativat për rinovimin me Ikardin, por fut “hundët” edhe Raiola

Rikthehet qetësia në çiftin Ikardi Uanda Nara, dhe nis menjëherë dialogu për rinovimin e kontratës me skuadrën e Interit. Piero Ausilio ka patur kontaktet e para me menaxheren dhe njëkohësisht bashkëshorten e argjentinasit

Argjentinasi do të ketë një rritje të pagës me gati 2 milionë euro krahasuar me shumën që sulmuesi përfiton aktualisht, pra nga 4.7 milionë në 6.5 milionë, pa harruar edhe bonuset. Uanda kërkon të paktën 7 milionë euro në sezon, ndërsa klauzola e largimit nuk do të hiqet, por thjesht do të rritet në 150 milionë euro, madje mund të shkojë edhe 200 milionë.

Nëse vendoset që klauzola të hiqet, atëherë Ikardi do të ketë rritje të pagës deri në 8 milionë euro në sezon. Në tratativa është gati që të përfshihet edhe Raiola, i cili është gati që ta transferojë te Mançester Junajtid në verë. Edhe pse Murinjo nuk është trajneri i vetëm që e kërkon, ai ka avantazhin që sulmuesi deri më tani ka hedhur poshtë të gjitha ofertat.