Interi transferon super talentin argjentinas për 27 mln euro

Interi bën një goditje të rëndësishme për të ardhmen. Zikaltrit janë shumë pranë transferimit të Martinez nga Rasingu. Presidenti i klubit argjentinas, Viktor Blanko ka konfirmuar se zikaltrit e kanë blerë tashmë sulmuesin.

“Futbollisti ka shprehur dëshirën për të luajtur për Interin. Shifra e operacionit kalon në 27 milionë euro, por do të përpiqemi që të marrim diçka më shumë duke parë se klauzola në klubin e ri do të shkojë në 110 milionë euro”, ka thënë presidenti.

20-vjeçari, është grumbulluar në Kupën e Botës që do të zhvillohet në Rusi. “Ai mund të luajë në Botëror, e shoh shumë mirë në krah të Mesit. Mund të luajë si Suarez te Barcelona në disa variante taktike”, tha Blanko. Martinez do të firmosë një kontratë 5-vjeçare deri më 30 qershor 2023. /Koha Jonë/