Isco drejt transferimit në Angli, Reali kërkon Hazard që në janar

Chelsea po bën gati dy lëvizje të bujshme në merkato. Real Madrid është duke menduar për të afruar Hazard nga Blutë e Londrës, teksa në Angli do të shkojë Osco.

Ky i fundit po gjen shumë pak hapësira në formacion pasi nuk preferohet nga trajneri argjentinas. Me shumë gjasa mesfushori me tipare sulmuese do të ndërrojë skuadër që në janar dhe Isco në dritaren e ardhshme të merkatos mund ti bashkohet pikërisht Chelsea-it të Sarrit.

Sipas asaj që raportojnë mediat angleze klubi i rusit Roman Abramovich është gati të ofrojë 75 milionë euro për kartonin e Iscos, i cili ka kontratë me Los Blancos deri në verën e vitit 2022.

Edhe pse te Reali nuk dëshirojnë të privohen nga një lojtar që zotëron cilësi të jashtëzakonshme, dëshira e mesfushorit spanjoll për t’u larguar mund të jetë përcaktuese në këtë operacion merkatoje.