Ish-mbrojtësi i Interit: Edy Reja, punë të përkryer te Napoli

Marco Materazzi, ish-mbrojtësi i skuadrës së Interit, ishte mbrëmjen e së enjtes në Tiranë, i ftuar në një event special organizuar nga birra Heineken, sponsor zyrtar i Uefa Champions League. 45-vjeçari u prit me entuziasëm nga fansat, të cilët qëndruan në rradhë për të marrë një kujtim me ish-kampionin e botës.

Në fjalimin e tij, Materazzi vlerësoi mikpritjen e qytetarëve shqiptarë ndërsa dha edhe një koment mbi trajnerin e ri Edy Reja.

“Shqipëria ka marrë një trajner kompetent si Edy Reja, i cili ka punuar shumë mirë te Napoli dhe te Lazio. Është nje prej teknikëve të gardës së vjetër, por që e njeh mirë punën e tij”. Matterazi ka luajtur 249 ndeshje në total në Serinë A dhe gjatë karrierës së tij ka realizuar 35 gola.