Ish-piloti i Formula 1 nuk ndalet, firmos me skuadrën e makinave elektrike

Ish-piloti i Formula 1, Felipe Massa nuk di të ndalet.  37 vjeçari brazilian ka nënshkruar një marrëveshje trevjeçare për të konkurruar në Formula E, duke nisur nga sezoni i ardhshëm.

Ai do të bashkohet me skuadrën “Venturi” me baza në Monako, ku aksionet është dhe ylli i kinematografisë, Leonardo DiCaprio.

Massa, i cili fitoi 11 gara u largua nga F1 sezonin e kaluar pas 15 vjetësh, ku drejtoi njëvendëshen e skuadrave si Sauber, Ferrari dhe Williams.

Formula E është një botëror që është e fokusuar tek makinat elektronike dhe sezoni i ardhshëm do të jetë i pesti i saj.