Ishte fajtor në golin e Valencias, Pique befason me deklaratën e tij

Barcelona ka plot 4 ndeshje që nuk fiton në  La Liga për këtë sezon.

Barazimi 1-1 ndaj Valencias bëri që katalanasit të humbnin kreun e kampionatit, duke ia dorëzuar atë Sevillas, me një pikë më shumë.

Leo Messi arriti të shënonte, por më parë ishte Pique ai që u kishte dhuruar një gol vendasve, pas atij gabimi ndaj Garay në minutën e 3-të.

Pas ndeshjes mbrojtësi spanjoll komentoi “gafën” e tij, ndërkohë që thumboi edhe mediat pasi fajësojnë atë.

Pique tha:

Ndaj Leganesit bëra gabime shumë të rënda, por fizikisht jam mirë. Është pjesë e lojës, por sa herë pësojmë gol është gjithnjë faji im. Gjithnjë kam qenë kritik ndaj medies në Barcelonë e Madrid. Gjithsesi barazuam ndaj një skuadre të fortë.”