Janë pranë ëndrrës Champions, tifozët e Atalantës pritje speciale për Berishën e Gjimshitin (VIDEO)

Nëse për Juventusin titulli kampion është kthyer në një eveniment të zakonshëm, ka skuadra që ëndërrojnë të marrin pjesë në Champions. Një prej tyre është Atalanta, që dje arriti që të mundte me përmbysje Napolin duke arritur Milanin në vendin e katërt.

Tifozët bergamaskë janë shumë të entuziazmuar dhe e kanë pritur ekipin më ovacione pas kthimit nga Napoli. Kujtojmë se pjesë e Atalantës janë edhe 2 futbollistët e kombëtares sonë, Etrit Berisha dhe Berat Gjimshiti. Atalanta është kthyer në orën 1 pas mesnate në qytet, por kjo si ka ndaluar aspak tifozët të krijonin një atmosferë spektakolare në aeroport.