Junajtid kërkon të blindojë De Gean, por portieri spanjoll ka një kusht

Pritjet spektakolare në Champions League ndaj Sevijas kanë bindur Mançester Junajtid që të nisë tratativat për rinovimin me David De Gea-n.

“The Sun”, shkruan se portieri kërkon një marrëveshje të re me “Djajtë e Kuq”, me anglezët që sigurisht do t’i rrisin pagën për të nënshkruar një kontratë afatgjatë. Momentalisht ai përfiton 180 mijë sterlina në javë, ndjeshëm më pak se Paul Pogba, si edhe blerja e fundit Aleksis Sançez.

David De Gea i ka vënë një kusht të fortë Junajtid për qëndrimin: kërkon 400 mijë euro në javë (më shumë se dyfishi i pagës aktuale). Tashmë i takon skuadrës angleze që të vendosë se çfarë do të bëjë.