Juventus Academy zgjat “tentakulat” edhe në Shqipëri

Fëmijët e apasionuar pas futbollit i hapet një dritare e re për të ndjekur ëndërrën e tyre. Në Tiranë është hapur “Juventus Academy”. “Zonja e Vjetër” vijon të ndjek traditën për të zgjeruar shkollën e saj në të gjithë botën dhe destinacioni i radhës ishte Shqipëria.Të rinjtë shqiptarë do të kenë mundësinë që të rriten me frymën dhe me metologjinë e punës që ndiqet në Itali.

Trajnerët që do të jenë pjesë e këtij trajnimi do të trajnohen nga klubi i Juventusit. Projekti më i ri i klubit italian do të prezantohet në një konferencë për shtyp në Shqipëri nga drejtori i “Juventus Academy”, Dritan Metaj i cili sëbashku me menaxherin e “Juventus Academy”, Marco Degortes shpjeguan strategjinë dhe objektivat e tyre.

Degortes: “Pse jo në Shqipëri? Zgjodhëm Shqipërinë sepse kemi gjetur edhe një partner të duhur. Idea e akademisë është që të formojmë futbollist të ri dhe në të njëjtën kohë edhe trajnerët që do i stërvisin këto fëmijë. Cdo javë trajnerët do të bëjnë raportin e akademisë. “

Për të ushtruar  aktivitetin e tyre “Juventus Academy” do të përdor fushat sportive të ekipeve kombëtare në Kamëz.