Juventus nxjerr “stolin” në merkato, 11 futbollistë në shitje

Pavarësisht numrit të titujve që do të fitojë këtë sezon, Juventus do të bëj një revolucion total në organikë. Sipas asaj që shkruajnë mediat italiane, drejtuesit, më në krye Fabio Paratici, thonë se për të mbajtur motivionim dhe moralin e lartë në ekip duhet që skuadra të rinovohet vit pas viti.

Edhe në sezonin e ardhshëm, bardhezinjtë konfirmojnë në stol trajnerin Massimiliano Allegri. Ndërkohë, plot 11 futbollistë janë në listën e Paratici, të cilët mund të shiten gjatë merkatos së verës.

Perin; Caceres, Rugani, Barzagli, Alex Sandro; Spinazzola, Khedira, Pjanic, Douglas Costa; Dybala dhe Kean shihen si futbollistët që nuk po bëjnë diferencën në “Allianz Stadium” dhe largimi shihet si një nga opsionet e drejtuesve.

Gjithsesi, nga kjo listë nuk do të largohen detyrimisht të gjithë, pasi për të mbushur stolin duhet një sforco e madhe e drejtuesve torinez.