Juventus po punon për rikthimin e Vidal që në janar

Rikthimi i Arturo Vidal në Torino duket si një hipotezë gjithmonë e më të mundshme. Mesfushori kilan, pak i aktivizuar nga trajneri Valverde te Barcelona, është një nga dëshirat e bardhezinjve.

“Corriere dello Sport” shkruajnë se kampionët e Italisë mund t’i futen këtij operacioni për shkak të problemeve shëndetësore që kanë prekur Emre Can.

Trajneri Allegri mund të llogarisë vetëm Khedira, Pjanic, Matuidi dhe Bentancur në mesfushën e tij, me gjermanin të prekur shpesh nga problemet fizike. Nevoja për të pasur edhe dy mesfushor të tjerë, për shkak të lojës me tre titullar në mesfushë, kanë bërë që Allegri të kërkojë rikthimin e ish-lojtarit të Bayernit.