Kampioni i boksit arrestohet për përdhunim

Victor Ortiz është arrestuar me akuzat për përdhunim dhe sulme seksuale nga autoritetet në Kaliforni jugore. Ish-kampioni profesional i boksit, që mbante titullin e WBC, u arrestua të martën në Oxard.

31-vjeçari që ka aktruar në filma si Expendables 3 dhe Southpaw, u akuzua të hënën nga Zyra e Prokurorit të Qarkut Ventura. Autoritetet lëshuan një urdhër arresti për të pas një hetimi njëmujor.

Ai përballet me tre akuza për sulme seksuale, përfshirë përdhunimin dhe seks oral me forcë. Në fund të marsit, një grua kontaktoi Departamentin e Policisë Oxnard duke pretenduar se Ortiz e kishte sulmuar atë seksualisht.