Kamza “kërcënon” arbitrin Hamiti: Këtë herë nuk të fal kush!

Kamza-Laçi pritet që të jetë shumë e tensionuar. Vendasit kanë reaguar me një postim në faqen e “facebook”, ku i kërkohet gjyqtarit  që ta mbajë mirë ndeshje dhe të mos tallet, pasi nuk do t’ia falin të njëjtën gjë që bëri vjet me Tiranën.

“Mos u mendo hiç o Hamit! Mbaje mire sot, mos u tall me Kamzën dhe kamzalinjtë. Ti je një herë me shenjë të zezë në fytyrë kur rrezove Tiranën nga Superiorja. Mos e përsërit gabimin sërish, se nuk ta fal kush kësaj here…”, shkruhet në faqen e Kamzës.

Për Kamzën fitorja me Laçin është rezultati i vetëm që tentojnë, pasi duan të sigurojnë mbijetesën në Kategorinë Superiore matematikisht.