Kapiteni i Skocisë: Duhet të korrigjojmë gabimet për ndeshjen me Shqipërinë!

Kapiteni i ri i Skocisë, Andy Robertson ia ka bërë të qartë shokëve të skuadrës që të mos bëjnë më gabime si ato kundër Belgjikës, në ndeshjen e radhës ndaj Shqipërisë në “Hampden Park”. Skocezët u shkatërruan 4-0 nga Belgjika (dhe pavarësisht se Shqipëria është shumë larg nivelit të skuadrës së renditur e treta në Kupën e Botës, mbrojtësi i Liverpool thotë që skuadrën e pret i njëjti fat nëse përsëritet loja e të premtes mbrëma.

“Ishte një mbrëmje shumë e vështirë. Belgjika është një skuadër me lojtarë të klasit botëror, por pjesa më e madhe e golave erdhi për shkak të gabimeve tona. Ky është zhgënjimi më i madh i mbrëmjes. Duhet të mos bëjmë më të tilla gabime”.

Për ndeshjen kundër Shqipërisë, mbrojtësi i Liverpool tha: “Nuk besoj se kemi nevojë për motivim ekstra. Duhet të shohim gabimet që kemi bërë dhe t’i korrigjojmë. Është një grup i ri dhe formacion i ri, sigurisht që do të kemi probleme përshtatjeje, por duhet të mos bëjmë gabime bazike”.