Kategoria Superiore luhet edhe në mesjavë, ja duelet dhe oraret

Sporti E Premte, 24 Shtator 2021 10:19

Kategoria Superiore mbylli ditën e djeshme javën e saj të 27-të, por futbolli shqiptar nuk ndalet as në mesjavë. Java e 28-të, dhe kështu nisja e fazës së katërt, do të luhet e gjitha ditën e mërkurë. Gjithçka nis me dy sfidat e orës 15:30.

Laçi pret në shtëpi Kukësin, ndërkohë që sfida tjetër është direkte për mbijetesë, me Kastriotin që luan në Fushë-Krujë ndaj Luftëtarit. Tirana ka në kalendar ndeshjen me Kamzën, dhe do të jetë pushim, ndërkohë që dy sfidat e tjera do të luhen në 18:30.

Teuta udhëton për në Vlorë, aty ku do të ndeshet me Flamurtarin, ndërkohë nga ana tjetër është Partizani, që në “Selman Stërmasi” pret Skënderbeun, në një duel që premton spektakël.