Katër ndeshje pa fituar, Milani merr vendimin e papritur për Gatuzon

Milani po kalon një moment krize pasi kuqezinjtë nuk njohin fitore në katër ndeshjet e fundit.

Disfata e fundit ishte ajo ku u mposhtën 1-0 në shtëpi nga Fiorentina mbrëmjen e së shtunës.

Sipas mediave italiane, trajneri Gatuzo rrezikon më shumë se kurrë largimin, ndaj Frosinone dhe Spal do të jenë vendimtare për të ardhmen e trajnerit të Milanit.

Nëse Milan nuk merr gjashtë pikë në këto dy ndeshje, Gatuzo mund të pushohet.

Roberto Donadoni, Arsene Wenger dhe Francesco Guidolin janë 3 emrat e mundshëm që mund ta pasojnë atë në stolin kuqezi.