Keisuke Honda i habit të gjithë, futbollist në Australi dhe trajner në Kamboxhia

Keisuke Honda vetëm pak ditë pasi u transferua në Australi te Melbourne Victory, është prezantuar si trajner dhe drejtor i përgjithshëm i përfaqësueses së Kamboxhias.

32-vjeçari mendon të kombinojë me sukses impenjimin e dyfishtë, duke mbajtur video-konferenca, me stafin dhe futbollistët e Kamboxhias një herë në javë nga Melbourni.

Mbetet për t’u parë si do t’ia bëjë Honda mes 8 nëntorit dhe 15 dhjetorit, kur Kamboxhia do të jetë e impenjuar në Suzuki Cup me Malajzinë, Myanmarin, Vietnamin dhe Laosin, ndërkohë që në të njëjtën periudhë Melbourne Victory do të ketë ndeshje për të zhvilluar në kampionatin australian.