Kjo është pritja spektakolare e Strakoshës që po bën xhiron në rrjetet sociale (VIDEO)

Thomas Strakosha ishte protagonist absolut mbrëmjen e djeshme në barazimin 1-1 ndaj Milanit, duke shpëtuar portën e Lazios në disa raste. Portieri u dallua për pritjet e tij ndaj tentativave të futbollistëve të “Djallit”, por ishte njëra prej tyre që tërhoqi më shumë vëmendjen.

Në minutën e 15-të të ndeshjes, turku Çalhanoglu mori topin brenda zonës së rreptësisë dhe i vetëm gjuajti fort drejt portës. Portieri 23 vjeçar reagoi falë reflekseve të tij dhe bëri një pritje spektakolare duke i mohuar rivalit një gol të sigurt.

Goditja më pas përplas në shtyllë dhe u largua nga mbrojtja e Lazios. Të shumta kanq qenë portale italiane që kanë lëvduar këtë pritje të Strakoshës.