Klauzola e frikshme, Messi largohet nga Barcelona me… zero lekë

Kontrata e Lionel Messit skadon në vitin 2021 me skuadrën e Barcelonës. “Pleshti” e rinovoi më 25 nëntor të vitit të kaluar, por siç raporton “El Mundo Deportivo”, për argjentinasin ekziston një klauzolë e veçantë në letra.

Ai ka të drejtë që të largohet me parametra zero, që në verën e vitit 2020, por kushti i vetëm i vendosur nga klubi blaugrana, është që të mos transferohet tek një klub i madh europian, që mund të jetë rival i Barcelonës në La Liga, apo qoftë edhe në Champions League.

Messi ka rinovuar plot 8 herë kontratën e tij me Barcelonën që nga debutimi i tij, dhe tifozët ëndërrojnë që ai ta mbyllë po tek Barcelona karrierën e tij të lavdishme.