Klopp: Do të vijë dhe koha e Shaqirit, të jeni të sigurt

Trajneri i Liverpool-it, Jurgen Klopp është shprehur se do të ketë më shumë hapësira për Xherdan Shaqirin në ndeshjet në vijim, pasi është kritikuar për faktin se nuk e ka aktivizuar shpesh futbollistin me origjinë shqiptare.

Deri më tani, ai ka luajtur vetëm 32 minuta me ekipin anglez, ndërsa Klopp i konsideron të pazëvendësueshëm treshen e sulmit, Mohamed Salah, Roberto Firmino dhe Sadio Mane.

“Shaqiri është shumë i gjallë dhe pozitiv. Jo vetëm nga paraqitjet por edhe në dhomat e zhveshjes. Të gjithë e duan Shaqin, kështu është. Nuk ka luajtur shumë minuta edhe pse më shumë është faji im se i tij. Ai ka bërë gjithçka për të luajtur, të jem i sinqertë për këtë. Kam marrë vendime të ndryshme, por koha e tij do të vijë, të jeni të sigurt”, deklaroi Klopp