KOKSH shpalli 10 sportistët e vitit, reagon Qerimaj: Turp!

Nënkampioni i Europës dhe vendi i tretë në botë në peshëngritje për vitin 2017, Erkand Qerimaj, çuditërisht nuk përzgjidhet në mes 10 sportistëve më të mirë të Shqipërisë. Përmes një reagimi në profilin e tij në “Facebook”, e quan të pakuptimtë mungesën e emrit të tij në listën e 10 sportistëve më të mirë të vitit 2017-të

“Të jesh sportisti më i mirë në Shqipëri për 2017 në renditjen e ranklistës së Federatës Botërore të Peshëngritjes, të marrësh medalje në Europian (2) e të jesh medalist botëror si i 3-ti në bote, nuk mjafton të futesh në 10 sportistat më të mirë në Shqipëri! Nuk e kuptoj çfarë kriteresh duhen që të jesh në “10 sportistat më të mirë në Shqiperi ???? Turp për Federatën por edhe për Komitetin Olimpik”, shkruan Qerimaj.