Kombëtares evropiane i ngatërrojnë himnin në ndeshjen e Ligës së Kombeve

Gjibraltari ka fituar ndeshjen e parë zyrtare në historinë e tij. Një 11 metërsh i Chipolina i ka dhuruar kombëtares fitoren 1-0 në fushën e Armenisë, në Yerevan. Nga 2013, vit kur u përfshi në FIFA, Gjibraltari kishte fituar vetëm në miqësore me Letoninë e Maltën.

Kjo e arritur në Ligën e Kombeve, Grupi D4, është fitorja e parë absolutisht ku Gjibraltari grumbullon pikë. Një fitore në Armeni, që ngjan si hakmarrje, sepse përpara fillimit të ndeshjes ndodhi një episod i pazakontë.

Në stadiumin armen, në momentin e himneve, në vend të atij të Gjibraltarit është luajtur himni i Lihtenshtejn. Gjibraltari ka si himn God Save the Queen, ose më saktë atë britanik, por në fakt u luajt himni i Lihtenshtejnit, që ka të njëjtën melodi të God Save the Queen por fjalë krejt të ndryshme. Federata e Gjibraltarit është shqetësuar shumë nga ky fakt, ndërsa ajo armene ka kërkuar falje menjëherë.