Kosova ndalet nga Moldavia, Spanja befason në “frymën e fundit” Gjermaninë (VIDEO)

Liga e Kombeve nuk nis në mënyrën më të mirë të mundshme për Kosovën, që nuk ka shkuar më shumë se një barazim 1-1 në transfertën ndaj Moldavisë.

Nicolaescu zhbllokoi sfidën për vendasit që në minutën e 20-të, por Kosova nuk u dorëzua dhe kërkoi me ngulm barazimin edhe pse nuk do të luante aspak një lojë të rrjedhshme siç jemi mësuar t’i shohim. Në minutën e 71-të Kololli vendosi baraspeshën, ndërkohë që deri në fund rezultati nuk do të ndryshonte.

Me të njëjtën rezultat u mbyllë dhe super ndeshja e Ligës A mes Gjermanisë dhe Spanjës. Werner shënoi në fillimin e fraksionit të dytë, ndërkohë që Gaya vendosi barazimin në minutën e 6-të të shtesës. Kreun e kësaj Lige e mban Ukraina që mundi 2-1 Zvicrën. /R.Lika-Koha Jone/