E ardhmja e Kristjan Asllanit duket se është gjithnjë e më larg Interit. Sipas asaj që raporton Sky Sport Italia, është arritur një marrëveshje mes zikaltërve dhe Bolognas për transferimin e mesfushorit shqiptar. Shifrat e operacionit flasin për rreth 9 milionë euro plus një përqindje shumë të lartë mbi rishitjen e ardhshme, që shkon deri në 40%.
Aktualisht mbetet ende për t’u përcaktuar akordi ekonomik mes futbollistit të lindur në vitin 2002 dhe klubit emilian, lidhur me pagën që ai do të përfitojë. Palët janë në negociata të vazhdueshme dhe optimizmi nuk mungon për arritjen e një marrëveshjeje përfundimtare.
Nëse gjithçka konkretizohet, Asllani do të ketë mundësinë të marrë më shumë hapësira në Serie A, duke u bërë pjesë e projektit ambicioz të Bolognas, skuadër që këtë sezon synon të konfirmojë rritjen e treguar vitin e kaluar.
Kujtojmë që Asllani ka zhvilluar 99 ndeshje me Interin, duke shënuar 4 gola, ndërkohë që ka dhënë dhe 5 asistë. Tshmë për të nis një aventurë e re, me synimin për të luajtur shumë më tepër dhe për të qenë protagonist. /Koha Jonë/