Kriza e Milanit, Higuain nuk shënon që nga muaji tetor

Pas entuziazmit me të cilin mirëpritën ish-juventinin tashmë opinioni kuqezi është shqetësuar se mos mallkimi i numrit 9 ka goditur dhe Higuainin. Nëse “El Pipita” nuk shënon, fitorja për Milanin vështirësohet, sikundër vërtetojnë takimet e fundit.

Dy fitore ndaj Genoas dhe Udineses falë Romagnolit, për të vijuar me barazimin ndaj Betisit, disfata ndaj Juves barazimi në “Olimpico” ndaj Lazios dhe barazimet pa gola ndaj Torinos dhe Bolognas, në mes dy fitoret ndaj Parmës dhe Dudelange si dhe disfata e hidhur në Athinë, në asnjërën prej tyre Higuain nuk ka arritur që të shënojë. Ai nuk realizon që nga 28 tetori në ndeshjen ndaj Sampdorias.

Higuain duhet të zhbllokohet dhe të rigjejë golin pas një pauze kaq të gjatë dhe ndjesia është se nevojitet vetëm një shkëndijë për ta ndezur sërish sulmuesin argjentinas, duke e nxjerrë nga kjo periudhë negative. Dy muaj janë shumë për një sulmues goli si ai.