Kroacia dhe Anglia barazim në “heshtje”, Belgjika mund Zvicrën (VIDEO)

Kroacia dhe Anglia nuk shkuan më shumë se një barazim pa gola në stadiumin e boshatisur Rijeka në ndeshjen e vlefshme për Ligën e Kombeve.  Ndeshja ishte e balancuar, me Anglinë që kontrolloi më tepër topin dhe vendasit që i shkuan më pranë portës, por në fund askush nuk arriti të dërgojë topin në rrjetë.

Në sfidën tjetër të kësaj mbrëmjeje, Belgjika mposhti Zvicrën me rezultatin 2-1, në një ndeshje ku gjithçka ndodhi në pjesën e dytë. Romelu Lukaku ishte heroi i belgëve, ndërsa Gavranoviç riktheu përkohësisht baraspeshën në sfidën që shkëputi Belgjikën në krye të grupit me 6 pikë të plota.

Fitore mori edhe Austria, që mposhti Irlandën e Veriut me rezultatin minimal 1-0, ndërsa po me të njëjtin rezultat, Greqia mposhti Hungarinë në Athinë.