Kukësi zyrtarizon ish-mesfushorin e kombëtares gjeorgjiane

Kukësi po zhvillon fazën përgatitore në Antalia, por kjo nuk e ndalon që të jetë aktive në merkato. Kampionët e Shqipërisë kanë zyrtarizuar sot transferimin e mesfushorit gjeorgjian Irakli Dzaria.

Dzaraia, ka qenë pjesë e kombëtares së vendit të tij, teksa është aktivizuar në 9 ndeshje duke shënuar edhe një gol nga viti 2012-2014, teksa më vonë nuk është ftuar më. 29-vjeçari është prezantuar sot nga drejtori sportiv Ndemin Nexhipi dhe shefi i klubit Jonuz Hallaci.

Kjo është goditja e dytë e rëndësishme pas Donjet Shkodrës te klubi verilindor që synon të bëjë një fazat të dytë të sezonit në nivele të larta. /Koha Jonë/