Kutinjo vjen i dëmtuar te Barcelona, braziliani mungon 3 javë

Barcelona ka prezantuar dje blerjen më të madhe të merkato së dimrit, dhe më e shtrenjta në historinë e klubit, Kutinjo. Gjithsesi lajme jo të mira vijnë nga Spanja për tifozët katalanas. Futbollisti brazilian do të qëndrojë jashtë fushave për tre javë për shkak të një dëmtimi që ka pësuar në javët e fundit.

Ai mungoi edhe në ndeshjen e Liverpulit ndaj Evertonit në Fa Cup, ndërkohë që për katalanasit nuk do të jetë pjesë në raundin e 16-ve në Kupën e Mbretit ndaj Selta Vigos, si dhe në dy ndeshjet e kampionatit ndaj Real Sociedad dhe Real Betis.

Debutimi i tij mund të vijë më 4 shkurt në ndeshjen ndaj Espanjolit. Kutinjo ka shënuar 7 gola dhe ka dhuruar 7 asist në 14 ndeshje këtë sezon me Liverpulin. /Koha Jonë/