Laçi prezanton 3 blerje të reja, njëri prej tyre ka qenë pjesë e Torinos

Laçi ka prezantuar këtë të shtunë afrimin e tre futbollistëve. Altin Kryeziu, Frenc Valteri dhe Ledjo Tresa do të jenë pjesë e klubit kurbinas për tre edicionet e ardhshme.

21-vjeçari Kryeziu është emri që tërheq më shumë vëmendje, pasi bëhet fjalë për një futbollistë që ka qenë pjesë e Spalit dhe Torinos në Serie A, por nuk ka mundur që të luajë në kampionat.

Ndërkohë që është aktivizuar dhe në Belgjikë me Excelsior Virton, e më pas në dy edicionet e fundit ka qenë në Slloveni. Pas aventurës me Tabor, u bashkua me Maribor edicionin e shkuar. Tani do të kërkojë që të bëjë mirë dhe me skuadrën e Laçit.

Ndërkohë Tresa dhe Valter do të përjetojnë eksperiencat e para në futbollin profesionist, pasi në të shkuarën kanë luajtur me moshat e Internarcionalit të Tiranës. Laçi është skuadra që ka moshën mesatare më të ulët se të gjitha ekipet e tjera të Superiores.