ZYRTARE/ Disiplina e UEFA-s merr vendimin për gjestin e Ronaldos

Cristiano Ronaldo do të jetë në ndeshjen e parë çerekfinale të Champions, ndaj Ajaxit, në duelin që do të zhvillohet në Amsterdam. Komisioni i Disiplinës së UEFA-s, i mbledhur sot ka vendosur për gjestin e portugezit në fundin e ndeshjes Juve-Atletico Madrid.

Lajmi është konfirmuar edhe nga UEFA, teksa për portugezin do të ketë vetëm një dënim me gjobë, njëlloj si në rastin e trajnerit Simeone.

Ronaldo u hetua për shkelje në artikullin 11 “b” dhe “c”. Simeone u dënua me 20 mijë euro për veprimin e pahijshëm pas golit të parë të shënuar në Madrid, ndërkohë që CR7 përsëriti të njëjtën veprim në fundin e ndeshjes së kthimit. /R.Lika-Koha Jone/