Lajme të mira për Sylvinhon, Broja drejt rikthimit në fushë tek Chelsea

Armando Broja është gati të rikthehet në fushën e blertë. Mediat angleze shkruajnë se sulmuesi shqiptar ka lënë pas dëmtimin dhe është gati për tu bashkuar në stërvitje të Blutë e Londrës.

22-vjeçari prej afro një viti është në fazën e rikuperimit që prej dëmtimit të rëndë në gju që ai pësoi në muajin dhjetor çfarë i kërkoi dhe një ndërhyrje kirurgjikale.

Te Chelsea por mendojnë të organizojnë dhe një ndeshje brenda grupit ku trajneri Pochettino ta shohë dhe më mirë gjendjen fizike të futbollistit.

Një lajm i mirë ky dhe për kombëtaren shqiptare pasi nëse çdo gjë shkon sipas planit, ai do të thirret dhe në listën e trajnerit Sylvinho për ndeshjet e shtatorit, dy sfida vendimtare për kualifikimin e Shqipërisë në Euro 2024.

Fillimisht kuqezinjtë përballen me Republikën Çeke në 7 shtator dhe 3 ditë më vonë presin Poloninë në Tiranë.