Largimi i Marota-s, Juventus kërkon të ndërtojë ekip “galaktikë” me Zidane

Largimi i Beppe Marotta-s ka qenë si një rrufe në qiell të pastër për Juventusin. Presidenti Agnelli nuk e ka zëvendësuar menjëherë pozicionin e lënë bosh nga ish-administratori i deleguar, duke i besuar më shumë përgjegjësi drejtorit sportiv Paratici dhe zëvendëspresidentit Nedved.

Por, për sa i takon të ardhmes, një emër që i pëlqen shumë presidentit të “Zonjës” është ai i Zinedine Zidane, aktualisht i lirë pas largimit nga Real Madrid. Agnelli ka dëshirë ta përfshijë ish-fantazistin francez në projektin e ri të Juventus-it dhe po mendon t’i ofrojë atij një rol drejtuesi në krah të dyshes Nedved-Paratici.

Nëse kjo ndodh, atëherë bardhezinjtë do të bëheshin një klub akoma më tërheqës në merkato, me kampionët e Italisë që do ta kishin më të lehtë të siguronin shërbimet e yjeve të Real, veçanërisht të atyre që kanë punuar dhe fituar me Zidane.

Francezi, në fakt, do të ishte njeriu i duhur për ta bindur Marcelo-n të pranonte ofertën e Juventus dhe për t’u vënë në ndjekje të dy talenteve të tjerë të madrilenëve si, Isco, Varane dhe Asensio.