Lajpcigu ndërton një dhomë të veçantë për trajnerin e Napolit

Napoli do të udhëtojë në Gjermani për të luajtur ndeshjen e kthimi ndaj Lajpcigut pas humbjes 1-3 në sfidën e parë. Për trajnerin e Napolit, Mauricio Sarri ky udhëtim është një problem i madh, pasi në “Red Bull Arena” është e ndaluar pirja e duhanit në dhomat e zhveshjeve. Gjithsesi organizatorët gjerman kanë gjetur një zgjidhje unikale.

Gazeta gjermane “Bild” shkruan se klubi i Lajpcig ka krijuar një dhomë për pritjen e duhanit për trajnerin e Napolit. Një mirëpritje e veçantë për trajnerin toskan, i cili nuk mund të heqë dorë nga cigaret e tij. Ndalimi i pirjes së duhanit brenda stadiumit do të ishte një problem i madh për italianin, por tashmë me një dhomë me përmasa (3 me 3), ai do të shkarkojë tensionin duke pirë duhan.

Medit gjermane shkrujnë se Napoli kishte kërkuar që t’i plotësohej ky kusht, ndërkohë që sistemet e zjarrit në këtë dhomë do të çaktivizohen. /Koha Jonë/