Leutrim Kryeziu firmos me gjigandët zvicerian

Pas një eksperience mjaft pozitive në kampionatin kosovar të futbollit, ku arriti të shpallet dhe kampion sezonin e shkuar me skuadrën e tij Drita, sulmuesi Leutrim Kryeziu do ta vijojë karrierën në Zvicër.

Sulmuesi i lindur më 25 janar 1999 ka arritur akordin me Luganon, skuadër e cila militon në SuperLigën e shtetit helvet.

Kryeziu, i cili gjithashtu ka bërë disa paraqitje me kombëtaren U19 kosovare, ka firmosur me bardhezinjtë një kontratë të vlefshme deri më 30.06.2022.

“Trampolinë” për këtë transferim ka shërbyer edhe pjesëmarrja e kampionëve të Kosovës në UEFA Champions League.