Lila: Nuk më zë gjumi sa herë më vjen ftesa nga kombëtarja

Në konferencën për shtyp përpara Jordanisë ka qenë edhe kapiteni i kombëtares, në ndeshjen e nesërme, Andi Lila.

“Jam që në 2007 me kombëtaren dhe kur sa herë vjen ftesa për kombëtare nuk më zë gjumi. Është gjëja më e bukur që mund të të ndodhi. Shpresoj që ky zjarr të vazhdoj edhe më tutje.

Të jem i sinqertë forca e ekipit tonë është grupi, dhe nëse ne luajmë si grup ndeshja do të fliste njësoj. Shpresoj të jetë ndeshje e mirë dhe të bëjmë atë që bëmë 2 vjet më parë. Ne kemi pasur gjithmonë shpirt gare. Megjithatë përpara kësaj kemi ndeshjen me Jordaninë, pastaj të shohim me Izraelin”, deklaroi Lila.